Skip to main content

8 - ســــــــؤال


طبعا العنوان أغنية رائعة جدا لمنير أعيد توزيعها مؤخرا
الاغنية دى انا كنت بحبها اوى بس دلوقتى علاقتى بها أصبحت مش لطيفة خاااااالص
..........
فلاش باك
_____
كانت هذه الأغنية أجمل ما أذكره من شخص
لأن هذا الأغنية حسمت تردد أعترانى لوقت طويل
لاسباب عدة منها عدم ثقتى الكاملة فى ان يكون مختلف عن الآخرون
وحين أهدانى إياها شعرت بصدق ما يعتمل فى صدره و إنه بجد بيحبنى
مش بيغنى عليا او حافظ وخلاص
وكمان حسيت إنى زودتها شوية
وإنى لازم أسرع فى تحديد موقفى
حسب كلمات الأغنية وحسب الموقف القائم بيننا وقتها
وكانت
قصة وحياة

......................
مايو 2011
___________

كنت منشغلة تماما فى إعداد البريانى الذى يحبه زوجى ويثنى على آدائى فيه
أحاول الخروج به كأفضل ما يكون لاستطيع الحفاظ على مقولة زوجى بأن "نفسى حلو فى الأكل
وكما اعتدت
كنت اقوم  بهذه المهمة الأنثوية على نغمات منير
تصادف سماعى لتكات مفتاح باب الشقة
مع بدء أغنية سؤال
وعندما أتى زوجى شغوفا بالسؤال عن البريانى وبعد السلام ...سألته
.......
يااااااااه  فاكر الأغنية دى ؟؟؟
أجابنى وفى احدى يديه غطاء إناء الطبخ
وفى اليد الأخرى المعلقة الخشبية للتذوق
لأ مش فاكر الحقيقة ؟؟؟؟
.................... 
 فعلا مفيش حاجة بتفضل على حالها على رأى الست أطاطا

Comments

Unknown said…
يا ستي مفيش راجل بيفتكر
احنا بس اللي بنفتكر !!
:)
عاوزة وصفة البرياني بتاعتك !!
hanan khorshid said…
ههههههههههههه
بس كده انتى تأمرى
Anonymous said…
المشكلة ان انتو يابنات
او ستات زى القطط وزى صاحبة المدونة
بتكلو وتنكرو

Popular posts from this blog

فوبيــا اللــوبيـــــا

فوبيا الأماكن المرتفعة فوبيا الحشرات السوداء فوبيا الظلام فوبيا الزلازل فوبيا الأماكن المغلقة فوبيا الزحام  فوبيا الأشياء الصغيرة المتجمعة أو المتلاصقة  كالثقوب أو النتؤات ( ودى أسوأهم بالنسبة لى ) معرفش ليه   كفوبيا اللوبيا وحرف (W) لما بيتكتب كابيتال على الكيبورد عدد متلاصق منه كمان زى شكل قطاع عرضى من البصلة متعددة القلب وكشكل بيت النحل وحبيبات الجير فى إعلانات كلوس آب فوبيا عدم القدرة على الإنجاز فوبيا مواجهة الجماهير أنوااااااااااااع كتيييييير تشعرنى بالعجز التام وعدم القدرة على المواجهة أكثر ما يثير استغرابى فى موضوع الفوبيا ده انه ممكن يكون وراثى غريب أن فى أنواع  أخدتها من أمى الأغرب  أن فوبيا مش مشهورة زى فوبيا الأشياء المتلاصقة دى موجود فى اسرتنا بأكملها رغم ان فى ناس ميعرفوش عنها حاجة .... الأغرب تحكمها فى أعصاب الأنسان وإفقاده أى حركة للمقاومة فى بعض الأحيان قد يكفى صرصار واحد لإصابتى ب هارد أتاك !!! لا استطيع أيقاف الصراخ والبكاء والرعشة إذا تأكدت من أنه بيطير (وهو غالبا بيطير ) ما يؤكد لى

رسالة الى إمرأة وردية اللون

إليك يا سيدة كل الأزمنة   يا حنين الأمس ... ومرارة الحاضر .... وغموض الغد اكتب الى امرأة سمراء، حزينة العينين ،تغزل ضفائرها السوداء اليك اتيت مهشمة النفس ... مظلمة القلب ابحث عن عمر ضاع فيكِ  واشيع احلام ماتت على اعتابك ابحث بين حناياك عن مفاجأت قد تخبئها الأيام ولكنى اعرف ان عصر المفاجآت قد ذاب بين دفات الرواية القديمة  التمس منهم الأمل ... ولا اجد بحقائبهم سوى اليأس والفراغ  نفيق فى صباح جديد  على اصوات مألوفة   نرتاد الأزقة العتيقة  لنرى بسمات دافئة فى صباح شتوى غائم  سنواتنا المحفورة على جباه المقاهى قد يحملنا الحزن فى سيرنا لكن تجمعنا الفة الارض.. والوطن.. وشمس تشرق من جديد ............................. حنان خورشيـــد مصـــــر جدارية : أدون وطنى  

مراوغة

قادما؛ يتلمس الغريب خطواته علي أثر الضوء المنبعث من البيت •••• في الشرفة أقف حائرة؛ أحثه علي الخطو ؟؟ أم أغلق الضوء ليرحل ؟؟ ***