طبعا العنوان أغنية رائعة جدا لمنير أعيد توزيعها مؤخرا
الاغنية دى انا كنت بحبها اوى بس دلوقتى علاقتى بها أصبحت مش لطيفة خاااااالص
..........
فلاش باك
_____
كانت هذه الأغنية أجمل ما أذكره من شخص
لأن هذا الأغنية حسمت تردد أعترانى لوقت طويل
لاسباب عدة منها عدم ثقتى الكاملة فى ان يكون مختلف عن الآخرون
وحين أهدانى إياها شعرت بصدق ما يعتمل فى صدره و إنه بجد بيحبنى
مش بيغنى عليا او حافظ وخلاص
وكمان حسيت إنى زودتها شوية
وإنى لازم أسرع فى تحديد موقفى
حسب كلمات الأغنية وحسب الموقف القائم بيننا وقتها
وكانت
قصة وحياة
......................
مايو 2011
___________
كنت منشغلة تماما فى إعداد البريانى الذى يحبه زوجى ويثنى على آدائى فيه
أحاول الخروج به كأفضل ما يكون لاستطيع الحفاظ على مقولة زوجى بأن "نفسى حلو فى الأكل
وكما اعتدت
كنت اقوم بهذه المهمة الأنثوية على نغمات منير
تصادف سماعى لتكات مفتاح باب الشقة
مع بدء أغنية سؤال
وعندما أتى زوجى شغوفا بالسؤال عن البريانى وبعد السلام ...سألته
.......
يااااااااه فاكر الأغنية دى ؟؟؟
أجابنى وفى احدى يديه غطاء إناء الطبخ
وفى اليد الأخرى المعلقة الخشبية للتذوق
لأ مش فاكر الحقيقة ؟؟؟؟
....................
فعلا مفيش حاجة بتفضل على حالها على رأى الست أطاطا
Comments
احنا بس اللي بنفتكر !!
:)
عاوزة وصفة البرياني بتاعتك !!
بس كده انتى تأمرى
او ستات زى القطط وزى صاحبة المدونة
بتكلو وتنكرو