6 - جفــــــاف ادبى

لا أعرف لما أعجز عن الكتابة منذ ثلاثة أيام

تأبى ان تأتينىبنفس السلاسة

اكيد ان الافكار مخلصتش

بس مش عارفة فى حاجة تايهة

انا جربت حاجات كتير

جربت ازيد من جرعات النيسكافبه اليومية ( البزازة زى ما الناس اللى حوالية بيطلقو عليه ) وبنفس الطقوس اللى متعودة عليها

بس مفيش حاجة

رجعت تانى لألياس رحبانى وعمر خيرت جايز الميوزك الاحدث واللى بقالى فترة اجبانى بتساعد على قتل الافكار

برضه مفيش فايدة

اصبحت الصفحة البيضاء

علامة استفهام كبيرة

اهرب منها فتغضب ولا تاتى مرة اخرى

Comments

فوبيــا اللــوبيـــــا

فوبيا الأماكن المرتفعة فوبيا الحشرات السوداء فوبيا الظلام فوبيا الزلازل فوبيا الأماكن المغلقة فوبيا الزحام فوبيا الأشياء الصغيرة المتجمعة أو المتلاصقة كالثقوب أو النتؤات ( ودى أسوأهم بالنسبة لى ) معرفش ليه كفوبيا اللوبيا وحرف (W) لما بيتكتب كابيتال على الكيبورد عدد متلاصق منه كمان زى شكل قطاع عرضى من البصلة متعددة القلب وكشكل بيت النحل وحبيبات الجير فى إعلانات كلوس آب فوبيا عدم القدرة على الإنجاز فوبيا مواجهة الجماهير أنوااااااااااااع كتيييييير تشعرنى بالعجز التام وعدم القدرة على المواجهة أكثر ما يثير استغرابى فى موضوع الفوبيا ده انه ممكن يكون وراثى غريب أن فى أنواع أخدتها من أمى الأغرب أن فوبيا مش مشهورة زى فوبيا الأشياء المتلاصقة دى موجود فى اسرتنا بأكملها رغم ان فى ناس ميعرفوش عنها حاجة .... الأغرب تحكمها فى أعصاب الأنسان وإفقاده أى حركة للمقاومة فى بعض الأحيان قد يكفى صرصار واحد لإصابتى ب هارد أتاك !!! لا استطيع أيقاف الصراخ والبكاء والرعشة إذا تأكدت من أنه بيطير (وهو غالبا بيطير ) ما يؤكد لى

رسالة الى إمرأة وردية اللون

إليك يا سيدة كل الأزمنة يا حنين الأمس ... ومرارة الحاضر .... وغموض الغد اكتب الى امرأة سمراء، حزينة العينين ،تغزل ضفائرها السوداء اليك اتيت مهشمة النفس ... مظلمة القلب ابحث عن عمر ضاع فيكِ واشيع احلام ماتت على اعتابك ابحث بين حناياك عن مفاجأت قد تخبئها الأيام ولكنى اعرف ان عصر المفاجآت قد ذاب بين دفات الرواية القديمة التمس منهم الأمل ... ولا اجد بحقائبهم سوى اليأس والفراغ نفيق فى صباح جديد على اصوات مألوفة نرتاد الأزقة العتيقة لنرى بسمات دافئة فى صباح شتوى غائم سنواتنا المحفورة على جباه المقاهى قد يحملنا الحزن فى سيرنا لكن تجمعنا الفة الارض.. والوطن.. وشمس تشرق من جديد ............................. حنان خورشيـــد مصـــــر جدارية : أدون وطنى

مراوغة

قادما؛ يتلمس الغريب خطواته علي أثر الضوء المنبعث من البيت •••• في الشرفة أقف حائرة؛ أحثه علي الخطو ؟؟ أم أغلق الضوء ليرحل ؟؟ ***

بنـــت ســايــكو

Search This Blog