تكمن أسباب اليأس
وأعرف أيضا
أن العمر لا يأتى مرتين و أن اليوم لا يأتى فى ثوب آخر بعد أعوام
فمع تنظيف أسنانى وخلع خفى قدمى والإندثار تحت غطاء كثيف حتى فى عز الحر
وعند تمام العاشرة والنصف أنهى يومى بمنتهى القسوة
لا اعطى الحياة حقها فى الإنتشار داخلى
اعلم ايضا بأنى فى يوم ما سأبكى كثيرا
وسأكره ذاتى كثيرا
لانها تركتنى أذهب العمر سدى من بين أناملى
أعرف أنه سيأتى يوما سأكون وحيدة ولن أجد حولى أناس احبهم كانوا يحبونى ويهتمون لامرى و يتحملونى طويلا
ولكنهم لن يكونو هناك فقط لأنهم لن يستطيعوا احتمال الجنان والمودية والتقلبات أكتر من كده
محدش هيفهم يعنى ايه انعزال
او تقريبا لان الحياة بقت قاسية اوى الناس بقت بتعتبر الانعزال رفاهية
وانك زيك زى بقيت الناس لازم تضحك اوى مهما كنت بتتقطع
لازم تسلمى على فلانة وتبوسيها عشان متحسش انك مضايقة وتشمت فيكى
ولازم تكلمى امك وانتى متماسكة ومش عصبية عشان متقلقش عليكى
لما حد يقولك صباح الخير ... متقولوش اهو صباح
...............................................
واخيراااااااا
لازم تضحكوا فى وش شريك حياتكم لانه مش ذنبه حاجة فى الدماغ التعبانة وميعرفش ان فى ترس بيلف عالفاضى جوا علطوووووووووووول
تك تك تك تك تك تك تك تك تك تك تك تتك تك تك تك
Comments
لازم اقف علي رجلي و اروح الشغل كل يوم علشان اصرف علي ابني
بالرغم من اني نفسي افضل نايمه ع السرير و متغطيه لا اشوف حد و لا حد يشوفني
و لازم اضحك فلا وش الناس كلها و الا يقولوا حرااااااااام زعلانه
الانعزال محاولة هروب عادة بيبقى تأثيرها سلبي
أصلا الحياة مش سهلة بشكل عام
كلنا عايشين في نفس الدوامة مع اختلاف التفاصيل
و الامور ماشية !!
و العمر بيجري .. أنا حاسة بدة جدا !!