فوبيا الأماكن المرتفعة
فوبيا الحشرات السوداء
فوبيا الظلام
فوبيا الزلازل
فوبيا الأماكن المغلقة
فوبيا الزحام
فوبيا الأشياء الصغيرة المتجمعة أو المتلاصقة كالثقوب أو النتؤات ( ودى أسوأهم بالنسبة لى ) معرفش ليه
كفوبيا اللوبيا وحرف
(W)
لما بيتكتب كابيتال على الكيبورد عدد متلاصق منه
كمان زى شكل قطاع عرضى من البصلة متعددة القلب
وكشكل بيت النحل وحبيبات الجير فى إعلانات كلوس آب
فوبيا عدم القدرة على الإنجاز
فوبيا مواجهة الجماهير
أنوااااااااااااع كتيييييير تشعرنى بالعجز التام
وعدم القدرة على المواجهة
أكثر ما يثير استغرابى فى موضوع الفوبيا ده
انه ممكن يكون وراثى
غريب أن فى أنواع أخدتها من أمى
الأغرب
أن فوبيا مش مشهورة زى فوبيا الأشياء المتلاصقة دى موجود فى اسرتنا بأكملها
رغم ان فى ناس ميعرفوش عنها حاجة
....
الأغرب تحكمها فى أعصاب الأنسان وإفقاده أى حركة للمقاومة فى بعض الأحيان قد يكفى صرصار واحد لإصابتى بهارد أتاك !!!
لا استطيع أيقاف الصراخ والبكاء والرعشة إذا تأكدت من أنه بيطير (وهو غالبا بيطير ) ما يؤكد لى ان الفوبيا خاصتى تقتصر على الحشرات السوداء ..هو أنى أحب الفأر شكلا وليس موضوعاً طبعا .... فى حين أن الصرصار مجرد صورته حتى وإن كان جثة تصيبنى بانتفاضه
ما علينا بما أن الصرصار هو أكثر كائن بيجي لما بيلاقى حد بيتكلم عليا
ولا زال السؤال يطرح نفسه
هى الفوبيا لها علاج ولا فطرة زى الأمراض النفسية كلها
يعنى ممكن بعد 30 سنة مثلا أبقى حاجّة محترمة طلعت معاش ولسة بصرخ من صرصار أو بشمئز من اللوبيا المسلوقة وبشوفها جماعة بتتتأهب للأنقضاض ؟؟؟؟؟؟؟؟
:(
Comments