Skip to main content

محاولـــــة فـاشــلة للتـرميم


ليه محستش بروعة أيامى

ونقاء المعادن اللى فيها إلا بعد ما هديت المعبد

ليه مبدأتش ابكى ببعض الضعف الأنثوى

و أشعر بأحاسيس بتأكد إنى لسة بنت

إلا بعد ما قتلت أنوثتى و إحتياجى

و قصيت ضفايرى

ووقفت أعتز بقوة مزيفة

لا تتناسب مع طبيعتى أو مع جنسى

ليه تجاهلت ضعفك الى كان مفروض أحتويه

و رديت على دموعك بجفاء و قسوة

و بعد ما مشيت فضلت أخبط فالحيطة و أصرخ

جايز تقول علي طفلة ومش عارفة عايزة أيه

جايز تقول على أنانية و عايزة الضرب على دماغى

جايز تقول عليا مينفعش معايا اللين و الحنية

مش هلوم عليك

بس شكلى كده كنت
بـــــــحــــــبــــــــــك
كان لازم بقى احس بالضياع و التوهة اللى حاساها عشان أتأكد ؟؟؟

Comments

ربما لان عنادك كانثى كان اقوى من مشاعرك...ولا تحكمى على محاولتك بالفشل قبل ان تبدا فصدقينى ...لا احد يعلم بما ستاتى الايام...اعتقد بانها قد تصبح محاولة ناجحة للغاية فقط لو قررتى ان تكون كذالك
hanan khorshid said…
أشكرك كتييييير على تحليلك الرائع
و قد تكون حقا مشاعر العناد او الخوف بتغطى على اى شىء آخر عند الأنثى
و أشكرك على أمنيتك و أرجو انها تكون فعلا بداية مفيهاش مجال للندم
مرسى لتشريفك

Popular posts from this blog

فوبيــا اللــوبيـــــا

فوبيا الأماكن المرتفعة فوبيا الحشرات السوداء فوبيا الظلام فوبيا الزلازل فوبيا الأماكن المغلقة فوبيا الزحام  فوبيا الأشياء الصغيرة المتجمعة أو المتلاصقة  كالثقوب أو النتؤات ( ودى أسوأهم بالنسبة لى ) معرفش ليه   كفوبيا اللوبيا وحرف (W) لما بيتكتب كابيتال على الكيبورد عدد متلاصق منه كمان زى شكل قطاع عرضى من البصلة متعددة القلب وكشكل بيت النحل وحبيبات الجير فى إعلانات كلوس آب فوبيا عدم القدرة على الإنجاز فوبيا مواجهة الجماهير أنوااااااااااااع كتيييييير تشعرنى بالعجز التام وعدم القدرة على المواجهة أكثر ما يثير استغرابى فى موضوع الفوبيا ده انه ممكن يكون وراثى غريب أن فى أنواع  أخدتها من أمى الأغرب  أن فوبيا مش مشهورة زى فوبيا الأشياء المتلاصقة دى موجود فى اسرتنا بأكملها رغم ان فى ناس ميعرفوش عنها حاجة .... الأغرب تحكمها فى أعصاب الأنسان وإفقاده أى حركة للمقاومة فى بعض الأحيان قد يكفى صرصار واحد لإصابتى ب هارد أتاك !!! لا استطيع أيقاف الصراخ والبكاء والرعشة إذا تأكدت من أنه بيطير (وهو غالبا بيطير ) ما يؤكد لى

رسالة الى إمرأة وردية اللون

إليك يا سيدة كل الأزمنة   يا حنين الأمس ... ومرارة الحاضر .... وغموض الغد اكتب الى امرأة سمراء، حزينة العينين ،تغزل ضفائرها السوداء اليك اتيت مهشمة النفس ... مظلمة القلب ابحث عن عمر ضاع فيكِ  واشيع احلام ماتت على اعتابك ابحث بين حناياك عن مفاجأت قد تخبئها الأيام ولكنى اعرف ان عصر المفاجآت قد ذاب بين دفات الرواية القديمة  التمس منهم الأمل ... ولا اجد بحقائبهم سوى اليأس والفراغ  نفيق فى صباح جديد  على اصوات مألوفة   نرتاد الأزقة العتيقة  لنرى بسمات دافئة فى صباح شتوى غائم  سنواتنا المحفورة على جباه المقاهى قد يحملنا الحزن فى سيرنا لكن تجمعنا الفة الارض.. والوطن.. وشمس تشرق من جديد ............................. حنان خورشيـــد مصـــــر جدارية : أدون وطنى  

مراوغة

قادما؛ يتلمس الغريب خطواته علي أثر الضوء المنبعث من البيت •••• في الشرفة أقف حائرة؛ أحثه علي الخطو ؟؟ أم أغلق الضوء ليرحل ؟؟ ***