إعتذار متأخر شوية

احيانا الواحد بيزعل من بلده زى ما بيزعل من امه

لما بيحس انها مش مهتمة به كما يجب

ويزعل من مساوىء الناس اللى حواليه زى ما بيزعل من اخواته

وللحظة يكره بقائه فى البلد زى ما كتير بيتخنق من البيت

*************************

بس بتيجى لحظة اكبر واغلى من اى لحظة

لحظة بنحس فيها بالتحام يطمس اى لخبطة

لحظة ما بلدنا يهان والنخوة تجبرنا على الاحساس بحب عميق نحو البلد

ونحس ان فى اخوات لينا زعلنا على الاذى اللى الحق بهم

لحظة بنحس فيها ان كرامة البلد اهم حاجة عندنا

**************************

لحظة بتنفجر فيها الفرحة وتغرق كل حاجة حوالينا

ونعيش مع البلد مظاهرة فرحة

وتقدير لكل شىء بداية من اهم شخص فى مصر

ومرورا بناس زى اولاد المعلم

وانتهاء بحفنة تراب من ارض البلد

وهو مش مجرد فخر بالفوز

لاننا برضه لما اتهزمنا اتضح جوانا طاقات حب عالية جدا لبعضنا

وغيرة شديدة على بعض وعلى ارضنا

لحظة الفرحة بتغرق فيها عيون كل الناس

وبنفرح مش عشان ننخرط فشىء وننسى همومنا زى مابيتقال لا

بنفرح شعورا بالزهو والفخر

وبنفتكر حضراتنا

وبنفتكر ان رغم اى كبوات بنمر بيها

احنا الفراعنة

اللى لو عاشت الحضارات التانية آلاف السنين تانى

مش هتحس احساسنا

*******************************

لحظة تفرح فيها انك مصرى

لم يكون لنا احلى لقب فى تاريخ كرة القدم

"منتخب الساجدين"

لحظة تحس فيها ببرائتنا ورجولتنا

اللى بتوصلنا للفوز من غير بلطجة

لحظة بتشوف فيها براءة وطفولة فعيون زيدان

واصرار فعيون احمد حسن

وثقة بربنا فعيون ابو تريكة

وشعور مؤلم بالمسئولية فعيون المعلم

واهتمام شديد فعيون متعب

وقلق فائق وفرحات غامرة فعيون الحضرى

واحلى من كل ده

نظرات عرفان وشكر لربنا

فعيون التيم كله

***************

ربنا اكرمنا ورحمنا من الشعور بالخذلان

وابدله زهو وفرحة عامرة بددت كل السحابات الغائمة

اتضح ان الموضوع عند الناس مش موضوع فرحة كروية

لان انا مثلا واحدة من الناس الى كرة القدم بعيدة جدا عن اهتماماتى

الموضوع اكبر

وهيعيش جوانا فترة طويلة لن تقتصر على فرحة الكاس الجديدة

انا بعتذر لمصر ولنفسى

على الزعل اللى كنت حاساه منها

لانى اتاكدت ان جوا كل واحد فينا طاقة كبييييييييييييرة

من الاصرار والتماسك والحب

بس جايز احنا مفكرناش ازاى نستغلها كلها ونكون ايد واحدة

بنحبك اووووووووووووى يا مصر