Skip to main content

لبــــــــــــــــنى ....وأجمل أيامى


لبنى صديقة احلى وأبرأ ايام
وحشتينى ومش قادرة اصدق كل الحاجات اللى حصلت دى
بعد ماكنا مبنفارقش بعض الاول
الايام خدتنا من بعض
وبعد ما رجعنا لبعض
المرة دى هتروحى ابعد كتييييييير من ما الايام كانت واخداكى
بس جايز رغم ان المرة دى هتبقى أبعد إلا إنى مسمحاكى على بعدك أكتر
مش عارفة ليه
جايز لأنك هتكونى مع أهم اتنين فى حياتك إن شاء الله
أو لانى بحبهم أوى
او لأنى مطمنة عليكى اوى مع خالد وعارفة انه هيشيلك فى عنيه
و ده اللى هيصبرنى على موضوع بعدك عن مصر
بحبك اوووووووووووووووى
و وحشتنى كل الحاجات اللى عيشناها سوا
كل تفصيلة حلوة ووحشة مرت بيننا
أيامنافى المدرسة وبعدين فى الجامعة
صدمة ودموع الثانوية العامة
والفرحات القليلة اللى عيشناها سوا وقتها
حتى لما كان بيغمى عليكى
وبآجى علوم جرى مفزوعة وقلبى مخلوع عليكى
مش ناسية كل مرة وقعتى قلبى فيها
ولا كل مرة فرحنا فيها سوا
و لا كل مرة بكيتى على كتفى فيها
بجد وحشتينى
ووحشنى المطر و احنا جنب السلم بتاع علوم
وحشتنى اغنية فيروز اللى كنا دايما نغنيها سوا فالشارع الى بين تجارة وعلوم
وحشنى احساسى بحفلة عيد ميلادى اللى كنتى دايما عنصر رئيسى فيها
لسة فاكرة صوتك وانتى بتقول:
انا لحبيبى وحبيبى الى
وفاكرة و انا بحفظك كيفك انت
فاكرة يا لبنى؟؟؟؟؟
فاكرة ليدى وكارلس ويسبر لما كنا بنفرح بيهم اوى ؟؟؟
والناس تتريق علىنا عشان أغانى قديمة أوى
فاكرة شيكولاتة 1x 5 ؟؟؟؟
وفاكرة ماك وكنتاكى ؟؟؟؟؟
واوضتى واللعب على الاورج ؟؟؟؟؟
وشرب الشاى فى النادى
فاكرة درس الفيزياء

وضحكنا وجنانا فى عربية بابكى
وفاكرة لما كان يجيلى دور اكتئاب و ابكى بالايام
وانتى تكلمينى بمنتهى العقل عن حرمانية ده و عن اهمية حمد ربنا على الحاجات الحلوة اللى فحياتنا
واللى يشوفك ساعتها
ميشفكيش بعدها بساعتين
و انتى عمالة تعيطى من غير سبب و انا اللى عمالة اهدى فيكى واقولك ميصحش كده
فاكرة لما كنت بقعدك قدامى بالساعة وأعذبك
عند آثار عشان اسمعك آخر قصيدة كتبتها
فاكرة لما كنا دايما نقول إننا أكبر مثال على جنون فكرة ان عقرب يصاحب عقرب
و إن اتفاقنا فى كل حاجة حتى البرج خلانا كوبى فى حاجات كتير زى الجنان و الطققان والاكتئاب المستمر والهذيان الشتوى وكريزة الضحك
من سنتين يا لبنى كنت فاكرة انى هفضل فاكرة الحاجة الوحشة الوحيدة اللى حصلت بيننا وهنسى كل الى فات
لكن دلوقت اكتشفت ان اللى مر بيننا حلو أوى
وخلانى انسى الحاجة الوحشة مهما كانت كبيرة قدام ذكريات تجنن زى دى
عارفة ليه عشان بحبك .. أكتر من أى حاجة حتى زعلى
بحبك
هتوحشينى
خلى بالك من نفسك و منهم

Comments

Anonymous said…
جميله هى المشاعر
جميل هو الصديق
فى رايى ان الصديق المخلص هو اهم ما نكسبه فى الحياه

تحياتى لكى ولصديقتك واتمنى لها ولكى التوفيق
sherif gharib said…
صدقتى ان فعلتى حقا و قولتى صديق
ينتابنا الكبرياء و الغرور حين نشعر اننا بحاجه الى اخر معنا و يتنابنا كل الضعف حينما نغتار بلحظه وحده و فقدان من حقا ترتاح اليه دموعنا و تأتنس باحضانه
كم من ذكريات و مشاعر لا نستطيع تاملها و الاستمتاع بها بدون الغائب حينها تشتعل الذكريات معلنه عن رغبه قويه فى رفض الكبرياء فكم نحن اغبياء كم انت ضعيف ايها الانسان حين تذكر بان وحد قادر كم انت جاهل حين تذكر كلمه انا بدون من معك بدون ان تدرك حقا رغبتك الحقيقه حتى فى اذن معك تستمع لما تقص و تحكى لعين تراه دمعتك دون تشفى و افتراء للمسه دافئه بعيدا عن اطرافنا الثلجيه المتحجره
اسعدى بها و اسعديها فلن يتبقى لكما سوى قليلا من الذكريات المضافه الى كل ما سبق
لا تجعليها حكاوى اذكريها افضل كغناوى
تحياتى
hanan said…
اسامة
عذرا للتاخر فى الرد
معك حق
انا عن نفسى اعتقد ان وجود صديق مخلص ترتاح له نفوسنا
خو أهم من كل شىء
حتى الحب
تحياتى
ومرسى لكومنتك
hanan said…
شرييييف

ازيك
سورى انا مشفتش البلوج بقالى شوية

دايما عندك يا شريف والمرة ددى أحلى حاجة قولتها

اننا فعلا مبنسساش غرورنا و"ثقتنا" المتناهية فى قدرتنا على المعيش بدون الآخر أيا كان صديق أو حبيب

غير فعلا لما بنلاقينا لوحدنا ونكتشف ان كل بنى آدم ربنا بعته فى حياتك لهدف يختلف عن الآخر
وسبحان الله فى قدرته
ان يكون عندك 20 صديق وكل واحد بيمثلك او بيشبع عندك شىء مختلف عن الآخر
واحد كالطبيب النفسى
وواحد كالصوت الراشد
وواحد كالام الحنون
وواحد عشان تحس معاه انكم لسة أطفال

يعنى مفيش حد يغنى عن التانى ومفيش حدتدر تاستغنى عنه
بس احنا مش بنكتشف ده غير لما الدنيا تاخدنا من بعض

يل ريتنا عرفنا كده من زماااااااااااان

مرسى اوى على تعليك الحلو

نورتنى
shasha said…
اجمل شئ فى الدنيا الصداقة الحقيقية الخالية من اى مصلحة جميل احساسك ومشاعرك المرهفة ناحية صديقتك
hanan said…
شاشا
مرسى اوى لتشريفك
انا دخلت مدونتك
حلوة اوى
وجديدة فى الى بتقدمه
وعجبتنى جدا فكرة انك تطرحى معلومات عن اللوحات المشهورة وتاريخ فنانيها
حاجات كنا دايما حابين نعرفها
بس انتى سهلتى تعريفها
تحياتى لك
مُزمُز said…
البوست طبعا خاص شوية بس فيه مشاعر جميل اوي حبيتها وخللتني اقراه وانا مستمتع وتفاصيل عذبة جدا يا رب تكون دايمة مع اصحابك اللي تحبيهم ويشاركوكي لحظاتك وتفاصيلك ويتجاوروا مع روحك على طول

كل سنة وانتي طيبة وعيد سعيد عليكي يا جميل :)
hanan said…
مرسى يا مزمز منور دايما
اللهم امين لنا جميعا
وانت طيب
وعيد سعيد عليك انت كمان
كل عام وأنت والأسرة والأمة الأسلامية بخير
hanan said…
"وانت بألف خير

Popular posts from this blog

فوبيــا اللــوبيـــــا

فوبيا الأماكن المرتفعة فوبيا الحشرات السوداء فوبيا الظلام فوبيا الزلازل فوبيا الأماكن المغلقة فوبيا الزحام  فوبيا الأشياء الصغيرة المتجمعة أو المتلاصقة  كالثقوب أو النتؤات ( ودى أسوأهم بالنسبة لى ) معرفش ليه كفوبيا اللوبيا وحرف (W) لما بيتكتب كابيتال على الكيبورد عدد متلاصق منه كمان زى شكل قطاع عرضى من البصلة متعددة القلب وكشكل بيت النحل وحبيبات الجير فى إعلانات كلوس آب فوبيا عدم القدرة على الإنجاز فوبيا مواجهة الجماهير أنوااااااااااااع كتيييييير تشعرنى بالعجز التام وعدم القدرة على المواجهة أكثر ما يثير استغرابى فى موضوع الفوبيا ده انه ممكن يكون وراثى غريب أن فى أنواع  أخدتها من أمى الأغرب  أن فوبيا مش مشهورة زى فوبيا الأشياء المتلاصقة دى موجود فى اسرتنا بأكملها رغم ان فى ناس ميعرفوش عنها حاجة .... الأغرب تحكمها فى أعصاب الأنسان وإفقاده أى حركة للمقاومة فى بعض الأحيان قد يكفى صرصار واحد لإصابتى بهارد أتاك !!! لا استطيع أيقاف الصراخ والبكاء والرعشة إذا تأكدت من أنه بيطير (وهو غالبا بيطير ) ما يؤكد لى ان الفوبيا خاصتى تقتصر على الحشرات السوداء ..هو أنى أحب الفأر شكلا وليس موضوعاً طبعا .... فى حين أن الصرصار …

رسالة لن تصل :(

صباح مشمس آخر بدونك جدتي
السلام علي روحك الطيبة أينما حلت
وكأن عادية الاشياء تفرض وجودها
وبعد أن أفتح عيوني علي بكاء الصغير أنتظر قولك اليومي لا يقابلني إلا الصمت 
 يتوقف الصغير وينظر خلفي مشدوها ألتفت كي أراك تجلسين علي حافة الفراش تسوين شعراتك فلا يقابلني سوي الفراغ
ألهث في أحلامي خلف صوت أقدامك علي الارضية الخشبية ليلا 
 يترافق صوتك جليا مع كافة القضايا والمواقف والمشاحنات اليومية المعتادين علي دلوك فيها، أيصيبنا التعود باحد أنواع الجنون أم أن روحك الطيبة تخبرنا بما يعتمل علينا
تتكشف لي حقيقة كل نصائحك عن إطعام الصغير والقطة وإشعال الضوء ليلاً 
عدم تكرار طقوسك اليومية ينشر الخواء في أنحاء الدار
 ذلك المقعد المرئي واللا مرئي يخفق قلب كل من يمر به ويهاب الجلوس عليه؛ المقعد الفارغ الفاغر فاهه ينظر إلينا بتشفي
الطاولة الصغيرة التي تجاوره والتي ابتاعها لك أكبر أبناءك ليقرب اشيائك منك علي  مدار اليوم تتوسطها الساعة المنبهة التي احضرها لك لسهولة ادراك الوقت
ما حولها كئيب وفارغ إلا من علامات قيعان الأكواب التي احتسيت فيها شايك مؤخرا نرفض إزالة الغبار والفتات عنها 
وحدة الأدراج الصغيرة المجاورة لفراشك …

ألوان - حدث الكتابة : 1 - ذات الرداء الأحمر

كنت طفلة صغيرةوكلما طلب منى واقرانى الاختيار كنت اختار دائما الموف واحيانا قليلة الوردىوفى كل مرة كانت بنتان او اكثر تختارا الأحمركنت اتساءل دائما عما يجذبهم فى هذا اللون المزعجمرت بعض السنوات وبدأت أصير يافعةغلب على ملابسى الطابع المظلمكنت أفضل الأسود لانه يصيرنى أنحف انشات قليلةولانه يضع لمحة غموض على الوجه والعينينفى تلك المرحلة كان الرمادىوعلى النقيض كان أكثر الالوان غلبة على ملابس أمى هو الأحمرإعتدت منذ صغرى على جمال أمى وتميز مظهرهاولم اكن ادرك وقتها الفروق بين الالوان واثارهاولكن فى بداية نضجى أو بالاحرى أواسط مراهقتى هالنى الفارق بين ملابسى وملابس أمىالتى تهتم بجميع تفاصيل ما ترتديه ليظهر كم هى جميلة وكم تحب جمالها هذاوبما لا يتناقض بالطبع مع الحجاب الشرعى والاحتشامكانت تعرف كيف تستعين بالأحمر ليدخل فى جميع الأشياء بدءاً من سكارف صغير وحتى القطع الاساسيةفى ازياء العملوازياء ما بعد العملفى كل مجال كان الأحمر يطغى على كل شىءوكنت أسالها دوماأليس من المحرج ان يكسى الشخص نفسه بلون يجاهر بوجودهويصرخ مشيرا لنفسهأليس سخيف ان نرتدى الوان تضىء بهذا الشكل القاسىكنت اعتبره فج جداااااا....…