Skip to main content

الرقصــــة الحــزينــــة



اعتدت للرقص نشوة تسكرنى و تذهب بآلامى


إعتدت لإنسياب الموسيقى فى جسدى


شعور بالفناء فى اللا شىء


شعور بالطيران و معانقة كل نسمة


إعتدت الشعور بان الحياة تنقسم


إلى مقطوعة اختاراها بإحساس اللحظة


ولوحة أرسمها بالأيقاع الذى أخترته


أعتدت الشعور معه بأنى أميرة بقصر فوق السحاب


و ان حجرتى هى بلاطى الملكي


و الكمبيوتر خاصتى هو الأوركسترا المخصص لأسعادى


........


اليوم اشعر ان الرقص هو فرصتى الوحيدة للهروب


من نفسى و من عالمى و من كل شىء


الرقص هو قناعتى الكاذبة عن راحة استجديها


و توازن يشفق علي


الرقص فى هذه الليلة هو صورة من بحثى المستديم عن السكون


و الركون


و الاستماع إلى كل الاصوات القادمة من داخلى


و التى قررت صم أذنى عنها


على مدى الشهور الاخيرة


اليوم اشعر أنى لست مسيطرة


على كل حركات لوحتى


اليوم لا اشعر أن جسدى


هو تلك القطعة التى اعتدت تشكيلها


طبقا لكل لحن


اشعر أن جسدى يرفض الأنصياع لى


و أن الحركات تخوننى


و ان النسمات انعدمت و الهواء سكن


أشعر ان كل شىء جعلنى فالماضى اتنفس


يدعونى الآن للأختناق


والشعور بالدوار


و.....


أرتطم بأرض الغرفة


فى قسوة بالغة


و ياس من حلم بأمله الاخير فى الراحة


ثم اكتشف


أن لا راحة فى هذا العالم

Comments

اعتدت الرقص في الطرقات

وتحت قطرات المطر الغزير

وفي تلك الشوارع المبلله

وعلى الارصفه المزدحمه

ارسم الابتسامه على وجوه الماره

لكن قلبي حزين

فالرقص عندي تعبيرا عن الألم

ذلا لا اتوقف لحظة عن الرقص

فالألم بداخلي كبير

والحزن في قلبي عميق

ليت هناك من يسرم ابتاسمه صادقه على وجهي

ليت هناك من يرمي عني أتربة الحزن الكثيره











----------------


استمتعت كثيرا بقراءة هذا التصوير الرائع

وهذا الابداع الجميل
sherif gharib said…
رقصتك لم تكن من البدايه رقصه للخلود اللحن لم يكن متناغم مع ثناياتك
و هذا ليس حالك وحدك بل هو حالنا جميعنا اعتدنا الرقص على كل شىء
و لكننا لم نملك يوما اختيار لحن مميز لما بداخلنا
تماما كمن اعتاد الرقص على السلالم
احببت ان تكون رقصتى على الاغانى الحزينه
اجد فيها ذاتى
ابحثى عن لحنك و عن معناه ستجدين جسدك يملؤه النشوه و يعاود من جديد تقسيماته على لحنه المفضل
تحياتى و خالص مودتى
hanan said…
جريحة الزمان
شكرا كتييير لزيارتك
و لخطك الكلمات الرائعة فى مدونتى
و عن جد قلمك اخجل قلمى
تصوريك اكثر من رائع
منورة بوجودك و ابداع قلمك الرائع و مرسى لثناؤك الجميل
hanan said…
شريف
مرسى كتييييير لتحليلك الرائع وقراءتك لما بين السطور
مرسى كتير لدقة تصويرك لأختلاط المعانى اللى كلنا بنحسه دلوقتى
مرسى كتير لأنك طمنتى انى مش فى أزمة وحدة + أزمة اختلاط المفاهيم اللى انا فيها
و إن عدمة دقة فهم الأمور على حقيقتها
و عدم إختيار الملائم هى أزمة العصر
اللى بيشاركنى فيها ناس كتير
تحياتى كتيير
و شكرا كتير لمرورك
blue-wave said…
الله
كلمات هايله بجد
تحياتى
hanan said…
بلو ويف
تحياتى لك
ومرسى لزيارتك
و شكرا لاشادتك بالكلمات
نورت
مُزمُز said…
لغتك الصافية اللي مفيهاش مطبات اللي ماشية بهدوء وثقة هيا اللي بتخلليني احب كتابتك

اكتشفت ده دلوقتي وانا بفكرفي سر جاذبية النصوص البسيطة العميقة بتاعتك

عجبني جدا النص ده

عجبني جدا

والمقطع هذا خاصة يناسب حالتي الحالية وفكرتي

أشعر ان كل شىء جعلنى فالماضى اتنفس

يدعونى الآن للأختناق

والشعور بالدوار

و.....

أرتطم بأرض الغرفة

فى قسوة بالغة
..............

جميل جدا ومرسوم حلو اوي

:)
hanan said…
حمد لله عالسلامة معاذ و يا رب تكون ربنا كرمك فالامتحانات
و بجد
مش متخيل اد ايه بيفرحنى رايك أشكرك جدا
على الكلمات العميقة الى وصفت بها كتابتى
و فى انتظار جديدك بعد الامتحانات
sherif gharib said…
انتى فينك بقى مستنيكى
محض روح said…
عمله ايه؟
يارب تكوني خير
hanan said…
مرسى يا محض انا بخير
و اسفة للجميع لتاخرى
بسبب سفرة جميلة كانت لاكثر مكان اعشقه اكتوبر - اسكندرية
مُزمُز said…
طب انتي بقى ليه برضه مش بتكتبي؟؟
hanan said…
أصل النتيجة طلعت و شلت مادتين يا معاذ
أدعيلى بقى أنجح فدور سبتمبر
أنا كتبت حاجات بس مش فاضية للتايبنج
dina said…
لا راحة فى هذا العالم
ايوةةةةةةةةةة بجد دى الخلاصة مش بس من البوست ولا من مدونتك ولا مدونتى ولا مدوناتنا كلنا انما من الدنيا كلها
Mercy Devil said…
على فكرة جامدة موت وطحن كمان رغم ان لى بعض التعليقات لكنها ستكون كنثر الملح ع الشاى
hanan said…
دينا
للأسف دى الحقيقة اللى كلنا بنحاول ننساها
لكنها اكيد موجودة و ساطعة سطوع الشمس
ولا زالت بتنغص علينا كل يوم حلو فحياتنا
لذلك منتظرين الراحة فى مكان واحد بس

مرسى ديفل
انا متشكرة جدا و سعيدة اوى برأيك
و أنا منتظر ملاحظاتك الى اكيد هتخلى البوست أحلى مش كنثر الملح و لا حاجة
مُزمُز said…
طيب ذاكري كويس بقى يا حنان متعمليش زيي

ربنا يسهلها علينا جميعا ويخلصنا بقى من الايام الواقعة من حياتنا اللي بيسموها دراسة

انا بقى الدور التاني عندي بعد اربع ايام بس

ياريت تدعيلي كتير جداااااا

وانا هدعليك برضه وكله بثوابه :)
hanan said…
"إيه ده بسرعة كده
الامتحان
طب ربنا معاك و ان شاء الله حظ موفق و افضل من السابق
يا مزمز
مُزمُز said…
ازيك يا حنان
اخبار الامتحانات اييييه؟؟؟؟؟

هترجعي امتى بقى للبلوج؟
مُزمُز said…
رمضان كريم

كل سنة وانتي طيبة يا حنان :))))
hanan said…
و انت طيب يا مزمز و سورى على التأخير
اصلى سافرت تانى
و بعدين امتحنت الدور التانى
بس الحمد لله خلاص جيت
هابى رمضان للجميع

Popular posts from this blog

فوبيــا اللــوبيـــــا

فوبيا الأماكن المرتفعة فوبيا الحشرات السوداء فوبيا الظلام فوبيا الزلازل فوبيا الأماكن المغلقة فوبيا الزحام  فوبيا الأشياء الصغيرة المتجمعة أو المتلاصقة  كالثقوب أو النتؤات ( ودى أسوأهم بالنسبة لى ) معرفش ليه كفوبيا اللوبيا وحرف (W) لما بيتكتب كابيتال على الكيبورد عدد متلاصق منه كمان زى شكل قطاع عرضى من البصلة متعددة القلب وكشكل بيت النحل وحبيبات الجير فى إعلانات كلوس آب فوبيا عدم القدرة على الإنجاز فوبيا مواجهة الجماهير أنوااااااااااااع كتيييييير تشعرنى بالعجز التام وعدم القدرة على المواجهة أكثر ما يثير استغرابى فى موضوع الفوبيا ده انه ممكن يكون وراثى غريب أن فى أنواع  أخدتها من أمى الأغرب  أن فوبيا مش مشهورة زى فوبيا الأشياء المتلاصقة دى موجود فى اسرتنا بأكملها رغم ان فى ناس ميعرفوش عنها حاجة .... الأغرب تحكمها فى أعصاب الأنسان وإفقاده أى حركة للمقاومة فى بعض الأحيان قد يكفى صرصار واحد لإصابتى بهارد أتاك !!! لا استطيع أيقاف الصراخ والبكاء والرعشة إذا تأكدت من أنه بيطير (وهو غالبا بيطير ) ما يؤكد لى ان الفوبيا خاصتى تقتصر على الحشرات السوداء ..هو أنى أحب الفأر شكلا وليس موضوعاً طبعا .... فى حين أن الصرصار …

الكائن البيضوحباطي فى حياة كل مننا :(

الكائن البيضوحباطى *
كائن يتغذى على جرعات النكد المتكررة
وموجات الاحباط الى يبثها اليك على مدار اليوم
البيضوحباطى يعرف جيدا كيف يحيلك إلى كائن يائس محبط
يعرف كيف يمتص الحياة من أنفاسك لتغدو شخص ميت يمشى ويتكلم كالنائم
الكائن البيضوحباطى
يجد دائما الشماعة متى احتاج اليها
ليعلق عليها اخطاؤه وفشله
الكائن البيضوحباطى
منزه عن الخطأ :/
هو مبيعملش حاجة وحشة بس الكون كله هو اللى ضده
وكل الناس مستقصداه -_^
الكائن البيضوحباطى
متمكن جدا فى تخصصه
يستطيع تحويل اليوم فى لحظة إلى يوم عصيب جداااااا
وتحويل الاوقات الجميلة الى مشاحنات ونكد غير محدود
لا يفكر ابدا فيما يجب عليه فعله
فقط يفكر فيما يحتاجه
يجد سعادته فى تحويل لمعة الفرح والحياة فى عينيك
إلى وميض حزين ملئ بالهم والغم
 الكائن البيضوحباطى اساسى جدا فى حياتك
قد يكون بعيد قد يكون قريب
لكنه دوما موجود
ربما مبعوث لتخليص ذنوبك واخطاءك فى حق آخرين
أو ليسهل دخولك الجنة
الكائن البيضوحباطى لا يوجد علاج له
فقط يمكنك انت البحث عن سبيل للعلاج
كإغلاق أذنيك عند ارتفاع انزيم الاحباط فى كلامه
أوالتشويش على جهاز الاستيعاب الخاص بك
كى لا تفهم ما يفعله
ايضا يمكنك أن تتناول قطعة من الشوكو…

رسالة لن تصل :(

صباح مشمس آخر بدونك جدتي
السلام علي روحك الطيبة أينما حلت
وكأن عادية الاشياء تفرض وجودها
وبعد أن أفتح عيوني علي بكاء الصغير أنتظر قولك اليومي لا يقابلني إلا الصمت 
 يتوقف الصغير وينظر خلفي مشدوها ألتفت كي أراك تجلسين علي حافة الفراش تسوين شعراتك فلا يقابلني سوي الفراغ
ألهث في أحلامي خلف صوت أقدامك علي الارضية الخشبية ليلا 
 يترافق صوتك جليا مع كافة القضايا والمواقف والمشاحنات اليومية المعتادين علي دلوك فيها، أيصيبنا التعود باحد أنواع الجنون أم أن روحك الطيبة تخبرنا بما يعتمل علينا
تتكشف لي حقيقة كل نصائحك عن إطعام الصغير والقطة وإشعال الضوء ليلاً 
عدم تكرار طقوسك اليومية ينشر الخواء في أنحاء الدار
 ذلك المقعد المرئي واللا مرئي يخفق قلب كل من يمر به ويهاب الجلوس عليه؛ المقعد الفارغ الفاغر فاهه ينظر إلينا بتشفي
الطاولة الصغيرة التي تجاوره والتي ابتاعها لك أكبر أبناءك ليقرب اشيائك منك علي  مدار اليوم تتوسطها الساعة المنبهة التي احضرها لك لسهولة ادراك الوقت
ما حولها كئيب وفارغ إلا من علامات قيعان الأكواب التي احتسيت فيها شايك مؤخرا نرفض إزالة الغبار والفتات عنها 
وحدة الأدراج الصغيرة المجاورة لفراشك …