مش عارفة نفسى افسر احساسى بيك
موجود فى نفسى بس مش عارفة فين
عايش جوايا
بس فى اى مكان تحديدا ؟؟؟؟؟
فى لحظة احسك آخر حد عايزاه
و احس ان دنيتى ضيقة عليك
و انى فعلا مش عايزاك
و مجرد ما تبعد بجد
احس انى بحتاجك قوى
و انك اهم شىء فى حياتى
و ان وجودك حواليا
هو الدفا اللى عشت ادور عليه طول عمرى
و اللى بيتوه لما تختفى
نفسى يبقى فى ترمومتر يعرفنا اسم مشاعرنا
و كانها درجة حرارة
Comments
:)
تعرفي في كلام كتير فيهم انا كنت كتبته
حسه انك فيكي مني اوي
الحيره والتردد
يمكن انا مشكلتي اني بقيتاحب ابقى لوحدي
ويمكن لسه الي منتظراه يجي يخدني مني
مجاش
كل الي بيعدو بيكونو مجراد اشخاص بيقربو من سور
مفيش واحد قدر يتخطى حدود السور
يمكن انا سور نفسي اعلى من اي حد
ويمكن يكون الفارس الي مستنياه مات من زمان
:)
وعلى فكره الترمومتر موجود جوانا
بس مستخبي جوه اوضه في قلبنا
تحياتي ياجميل
عارفة لما تيجى سيرة انسان بتحيبه او حتى تفتكريه فجأة بتحسى ان دقات قلبك زادت ونظرات بتدور عليه حتى لو كنتى فى غرفة مغلقة
عزيزتى الترمومتر جوانا
الترمومتر هو دقات قلوبنا
ليكى خالص تحياتى
وشكراص للزيارة
مدونتك جميلة
ايمن فاروق
انا فعلا سعيدة جدا بزيارتك و باكتساب راى رائع من بلوجر رائعة زيك
و فعلا انا حاسةبشبه كتير بين متاهتى و متاهتك
و بكرر الكلام اللى كتبتو فمدونتك
أناأعتقد مش ان الفارس مات بس المشكلة و زى ما بفسرها لنفسى
ان حتى الفارس الصح لما بيجى مرة فى المليون
عمرنا ما هنشوفه و احنا حاطين على عنينا الغمامة دى
و رافضين حتى ان حد يرفعها
و عشان كده دايما اللى حوالكى بيسقطوا فى الاختبار مش لانك متعسفة
بس لانك منتظرة الاقتحام و ده فعلا اللى بقى قليل قوى
حتى الفرسان حبهم بقى هادى
و ده لو ينفع مع الناس كلها مش هينفع
مع شخصية محور حياتها الخوف و التردد الى بسبب برضه الخوف
خوف من المستقبل خوف من انكسار الفرحة
خوف من الوحدة
خوف من سوء الاختيار
او سوء التقدير
و يمكن الغمامة دى اللى الناس كلها بتميها ادى نفسك فرصة و هما مش فاهمين
ان ده فى حد ذاته
نعمة و مش اى حد بيقدر يدخل التجربة بحيادية تامة و هى مقتنع ان فى على الاقل 50% نسبة للنجاح
و مش عارفين ان فى ناس شايفة دايما ان 90% فشل هو اللى هيكون موجود
و ده اللى خلانى اطلب منك قراءة البوست ده تحديدا
و الى خلانى حاسة بكى وبالمك قوى رغم انى معرفكيش من زمان
بس عارفة مرار الفراق اللى "مش" قسرى اصعب كتير و الى بمنتهى الجبروت بتاخديه و انتى عارفة انك بتعذبى نفسك اكتر مابتعذبى اللى قدامك
بس ان شاء الله المرارة دى هتروح منك لما ربنا يكرمك بيوم و شخص تحسى معاه ان بقراراتك دى كلها مظلمتيش نفسك بس كنتى مسيرة فى طريق هيوصلك لسعادتك
تحياتى لكى و لكلماتك اللى تمس شغاف القلب
جو اون
انت اللى فعلا مدونتك رائعة
بالنسبة للترمومتر
جايز يكون موجود فى حالات الحب الكامل او اليقين العاطفى لكن فى انصاف المشاعر او اشباه القصص مبيكونش موجود
و عشان كده فترة الاختيار بتكون اصعب فترة
بس الاحساس الى بتحكيه بيعبر عن حب حقيقى بيجى مرة واحدة
و بيكون هو ده الاحساس الكامل
مرسى قوى لتعليقاتكم المساندة
تعرفي فقدان القدره علىالحزن مش حاجه وحشه صدقني
انتي بيجي عليكي فاتره عايزه تفرحي وخلاص
تضحكي ملكيش نفس للون الاسود
ويمكن انا بعدي على الفاتره ديه دلوكتي
وبالنسبه للخوف
الخوف موجود بس بدرجات انا فعلا كتير بخاف اغلط
بس مش معني اني خايفه اني مش بتحرك
لا بتحرك
:)
خلاصة ما أريده في هذه الأيام السودة بهذياناتها المتعبة التي تعذبني فعلا
.........
كتابة جميلة جدا فعلا فعلا
أنا بقيت أحب أقرأ جدا كتابتك البسيطة العميقة الإنسانية دي جدا
ومبسوط بشدة انك طلعتي عقرب زيي
أنا طول عمري أقول العقرب دول أجدع ناااااس
:))
...........
سؤال أخير بقى
الجملة في البروفايل
لكي تراقصني التانجو يجب أن تبادلني الخطوات، ليكي انتي وللا اقتباس؟؟
:)))))
أولا طبعا ً مرسى لثناؤك الجامد ده
أنا فعلا بفرح قوى
لما فنان عالى الحس رائع الكتابات
يشيد بحاجة انا كاتباه
شهادتك اعتز بيها قوى
و هو انت طلعت عقرب
اهلاااااااا
انا يقى مش مبسوطة بس
انا فعلا و الله يا معاذ كنت متأكدة تقريبا
انك عقرب من اول بوست قريتهولك
بعدم استقرارك العاطفى و الحيرة الى فكل سطر
و فقدان الامل فى كل حاجة الى فجأة بيتحول لامل فى كل حاجة
عدم اليقين من اى حد
الى بيتحول فجأة لثقة تامة فى الى حواليك
نفس التذبذب النفسى تقريبا
و بحثك المستديم الى ات نفسك متعرفش عن أيه او عن مين
أنا دايما أقول على مواليد برج العقرب دول
مش بس جدعين
بس معقدين
و نكدييييين
ههههههههههههههه
و بالنسبة
للبيت ده
لا طبعا مش تاليفى
اقتباس
هو مثل لاتينى
بس بحس فيه بالمبدأ القادر على نجاح اى شىء فى الدنيا