Skip to main content

تمـــــــ وحدة ـــــزق


إكتشفت بداية ضياع الملامح

لما إكتشفت حاجة غريبة

كنت دايما ً فى شرودى و زعلى و فرحتى و كلامى فى التليفون

اشخبط على اى ورقة قدامى ملامح وجه

و غالبا عينان و حاجبان

بس بقالى فترة

شخبطتى فى اى مود

عبارة عن نص وجه

عين واحدة

و حاجب واحد

و نصف انف
و نصف فم
و شعر مهوش

من غير نص تانى للصورة

يا ترى ده تعبير عن التمزق اللى حاساه

و لا عن افتقادى بقية نفسى

و لا عن إن مكتوب على كل إنسان يعيش نص الحاجة دايما

و لا ممكن أكون لغيت نص الوجه التانى

عشان مسبش مكان لفرد تانى فى حياتى

و اعيش مجرد نص

مش عايز نصه التانى

Comments

مُزمُز said…
جميل أوي بجد

فيه كذا فكرة فعلا

بس هو فعلا مكتوب على الإنسان يعيش نص الحاجة؟؟

يعني انتي بتعرضي ده كمسلمة وبديهة

أنا مش عارف بصراحة

عموما النص جميل

البداية شعرية جدا وفيها إيقاع جميل
hanan khorshid said…
أنا متشكرة جدا بجد
بفرح قوى و الله بتعليقتك لانك بجد فنان
و زى ما بتفكرنى بشعر عمر طاهر زى ما قلتلك
بترفكنى باغانى منير
و معرفش ايه العلاقة

و بالنسبة
للفكرة الى بطرحها
هى على الاقل مسلمة او فكرة بديهية بالنسبة لى
او لاى شخص
بيستعذب الالم زيادة عن اغللزوم
او ممكن يكون شايف فيه اماان أكتر
لكن ده مش قاعدة عامة
لان فى ناس عندها نعمة الصفاء النفسى
و بتقدر تستشف سعادتها فين و تقتنصها
من غير ما تسيب فرصة
للمشاعر الهدامة دى تدمرها
مرسى لزيارتك

Popular posts from this blog

فوبيــا اللــوبيـــــا

فوبيا الأماكن المرتفعة فوبيا الحشرات السوداء فوبيا الظلام فوبيا الزلازل فوبيا الأماكن المغلقة فوبيا الزحام  فوبيا الأشياء الصغيرة المتجمعة أو المتلاصقة  كالثقوب أو النتؤات ( ودى أسوأهم بالنسبة لى ) معرفش ليه   كفوبيا اللوبيا وحرف (W) لما بيتكتب كابيتال على الكيبورد عدد متلاصق منه كمان زى شكل قطاع عرضى من البصلة متعددة القلب وكشكل بيت النحل وحبيبات الجير فى إعلانات كلوس آب فوبيا عدم القدرة على الإنجاز فوبيا مواجهة الجماهير أنوااااااااااااع كتيييييير تشعرنى بالعجز التام وعدم القدرة على المواجهة أكثر ما يثير استغرابى فى موضوع الفوبيا ده انه ممكن يكون وراثى غريب أن فى أنواع  أخدتها من أمى الأغرب  أن فوبيا مش مشهورة زى فوبيا الأشياء المتلاصقة دى موجود فى اسرتنا بأكملها رغم ان فى ناس ميعرفوش عنها حاجة .... الأغرب تحكمها فى أعصاب الأنسان وإفقاده أى حركة للمقاومة فى بعض الأحيان قد يكفى صرصار واحد لإصابتى ب هارد أتاك !!! لا استطيع أيقاف الصراخ والبكاء والرعشة إذا تأكدت من أنه بيطير (وهو غالبا بيطير ) ما يؤكد لى

رسالة الى إمرأة وردية اللون

إليك يا سيدة كل الأزمنة   يا حنين الأمس ... ومرارة الحاضر .... وغموض الغد اكتب الى امرأة سمراء، حزينة العينين ،تغزل ضفائرها السوداء اليك اتيت مهشمة النفس ... مظلمة القلب ابحث عن عمر ضاع فيكِ  واشيع احلام ماتت على اعتابك ابحث بين حناياك عن مفاجأت قد تخبئها الأيام ولكنى اعرف ان عصر المفاجآت قد ذاب بين دفات الرواية القديمة  التمس منهم الأمل ... ولا اجد بحقائبهم سوى اليأس والفراغ  نفيق فى صباح جديد  على اصوات مألوفة   نرتاد الأزقة العتيقة  لنرى بسمات دافئة فى صباح شتوى غائم  سنواتنا المحفورة على جباه المقاهى قد يحملنا الحزن فى سيرنا لكن تجمعنا الفة الارض.. والوطن.. وشمس تشرق من جديد ............................. حنان خورشيـــد مصـــــر جدارية : أدون وطنى  

مراوغة

قادما؛ يتلمس الغريب خطواته علي أثر الضوء المنبعث من البيت •••• في الشرفة أقف حائرة؛ أحثه علي الخطو ؟؟ أم أغلق الضوء ليرحل ؟؟ ***