Skip to main content

زعلى طول أنا ويـــــاك


"معـــــــارك محى الهويــــة"

..............................



يكتسب الخطأ مشروعيته من تجاهله ... وعدم الوقوف عليه

.......

لذا عن تداعيات البعد التى نحياها الآن أخبرك عن مشاعر كثيرة

وعلى ذكر الاغنية الرائعة لفيروز

اتذكر الآن بعض الكلمات الرومانسية التى يغنيها الفنان الحااااالم دياب للتعبير عن جزء مما أشعر

................................

إوعى .... إوعى ....إوعى ..... إوعى تتغر فيا

إوعى إوعى إوعى .. وتقول طيب عليا

ده انا اقدر اطفى نارك واقدر اولعك

قاسى ... قاسى ... قاسى ......قاسى ولا ناكر

ناسى ...ناسى ...ناسى .....ناسى ولا فاكر

أيام ما كنت جنبى ...... وأنا كنت مدلعك

..............................

فى كل صباح تكثر علامات الاستفهام عن المحدددات التى تراها لعلافتنا ودور كل منا فى حياة الآخر

ويؤقنى سؤال ؟؟؟؟؟؟

لماذا ترى الحب هو محو كل مكونات شخصية الطرف الآخر

سيترتب على تقديرك تقديرى

وعلى تعزيزك لعقلى .... تعزيزى لعقلك

وبقدر ما ترعى معى أحلامى سأرعى أحلامك حتى تكتمل وتتجسد على أرض الواقع

..............................

تلهمنى أبيات أخرى رائعة من نفس القصيدة الدافئة

لهذا المطرب الحالم

............................

خليك طيب ويايا .... هروق واعملك جو

هتعيشها سو معايا .... مابلاش يا حبيبى السووووو

لو هنكمل على كده .... تيجى كده وانا آجى كده

دانا ألم عليك الدنيا وأتجنن وأعمللللل عووووووووو

عااااااووووو..عاو عاو .... عاااااو ....عاو عاو


Comments

صباحك ورد بنت سايكو
ومدونة جميلة جداً
عمر الحب ماكان محو هوية للاخر
بلعكس جمال الحب ان نحب كما هو
بكل عيوبه وطباعه ونعتاد عليها
وان يحبني كما انا بكل طباعي وعيوبي
وان كنت لا اعيب انصهار روحين معاً
وتنفس ذات الاحساس والروح
دمتِ بسعادة
سأكون بالقرب دائماً
تحياتي
hanan khorshid said…
صباحك ياسمين
انتى اللى جميلة جدا
بس للاسف فى ناس كتير طبيعتها كدا
فى ناس بتشوف ان لو البنت هتكمل نفسيا او ادبيا
ده بيشكل خطورة على الحب
بس انا بشوف زيك
ان الحب المفروض هو اللى يساعد الانسان على الاكتمال
مش الهبوط الدائم
بصراحة إنت مش سايكو خالص
أنا شايفة إن كتاباتك فيها فكر جميل
طبعا مشكلة رجالنا الشرقيين إنهم كلهم جواهم سى السيد
و كل واحد عايز مراته أو حريمه تعيش فى ظله
و لو إن الفكر دة بدأ يتغير مع أجيال الشباب الجديدة بس التغيير حيأخذ و قت قبل ما يبقى إتجاه عام
فى الوقت الحالى أسهل طريقة عشان تأخدى إللى إنت عايزاه من جوزك هى المحايلة و هى فن مش سهل و لكن المهم الست تفهم الرجال بيفكروا إزاى عشان تعرف تعامل جوزها و تريح نفسها
أنصحك بقراءة كتاب الرجال من المريخ النساء من الزهرة
دة كتاب رائع و ساعدنى كثير أتعامل مع جوزى لأن فعلا الرجال بيفكروا بطريقة مختلفة عننا دى حقيقة
أدعوك لزيارة مدونتى هى لسة جديدة الآن بس حأضيف لها موضوعات عن العلاقات بين الجنسين فى خلال أيام
و دى مش حتبقى آخر زيارة لى هنا
hanan khorshid said…
شهرزاد المصرية

مرسى خالص على زيارتك العطرة دى
انا فعلا رحت مدونتك انتى كتابتك جيلة ودقيقة اوى
بس انا مش معاكى فى حاجتين
اولا الجيل الجديد متغيرش ولا حاجة بس هو الحاجة الوحيدة اللى زادت عليه الازدواجية
يعنى بيرددوا شعارات عن التغيير والمساواة
لكن المرأة اللى تخصهم
بيرجعوا معاها قرن كامل للوراء
اى كان الرجل متحضر فزوجتة دايما هى امينة عبد الجوا
لازم اقصى طموحها يكون باب الشقة
وياريت متشوفش فى الدنيا اى حياة غير الزوج ده
وياريت متفكرش
عشان لو فكرت هتفهم ان الحل بسيط
ويا ريت ميكونش عندها حل اصلا غيره

وتانى حاجة للاسف طريقة المحايلة دى بحاول اقنع نفسى بيها
بس مش عارفة انا متزوجة حديثا من 5 شهور بس مش قادرة اتبع الاسلوب ده
الاستقلالية لسة فى دمى
hanan khorshid said…
شهرزاد المصرية

مرسى خالص على زيارتك العطرة دى
انا فعلا رحت مدونتك انتى كتابتك جيلة ودقيقة اوى
بس انا مش معاكى فى حاجتين
اولا الجيل الجديد متغيرش ولا حاجة بس هو الحاجة الوحيدة اللى زادت عليه الازدواجية
يعنى بيرددوا شعارات عن التغيير والمساواة
لكن المرأة اللى تخصهم
بيرجعوا معاها قرن كامل للوراء
اى كان الرجل متحضر فزوجتة دايما هى امينة عبد الجوا
لازم اقصى طموحها يكون باب الشقة
وياريت متشوفش فى الدنيا اى حياة غير الزوج ده
وياريت متفكرش
عشان لو فكرت هتفهم ان الحل بسيط
ويا ريت ميكونش عندها حل اصلا غيره

وتانى حاجة للاسف طريقة المحايلة دى بحاول اقنع نفسى بيها
بس مش عارفة انا متزوجة حديثا من 5 شهور بس مش قادرة اتبع الاسلوب ده
الاستقلالية لسة فى دمى
حنان

ميرسى على زيارتك لمدونتى
إنتى لسة متجوزة من شهور و طبيعى جدا يبقى فيه إحتكاك بينكم لأنكم لسة بتتعودوا على طبع بعض
موضوع الإزدواجية دة موجود عند كل الرجال بس العاقل فيهم إللى يحاول يحكم عقله و يواجه الإزدواجية إللى جواه
و دى حاجة يكتسبها الرجل بالسن و الخبرة و أنا أفترض إن جوزك صغير فى السن لأنكم لسة عرسان
يعنى الموضوع حيتحسن ما تقلقيش
موضوع الحيلة دة مش معناه إنك تتنازلى عن إستقلاليتك بالعكس تمسكى بيها جدا بس إضحكى عليه و ما تواجهيهوش بشعارات و إعملى إللى إنت عاوزاه بدون إعلانات
ما تتكلميش كثير عن شغلك فى البيت علشان يحس إنه هو أهم حاجة عندك
و هو طبعا كدة فعلا بس إنت لك إهتمامات تانية و دة من حقك
الخلاصة الرجال مخهم صغير جدا و أى واحدة ذكية تقدر تلف جوزها على صباعها الصغير بس من غير إعلانات
لازم يحس إنه هو القائد، و إنت إللى توجهيه من غير ما يحس
صدقينى دةأحسن أسلوب الوقت إللى بيفوت مش بيرجع و أوقات أول الجواز بالذات حاولى تطلعى منها بسعادة و ذكرى حلوة لأنها مش حتدوم
حتنشغلوا فى عيال و مدارس و الدنيا حتتغير بالنسبة لكم
أنا بقالى كثير متجوزة و إصطدمت بجوزى كثير و فى الآخر أسلوب الحيلة بس هو إللى نفع
ربنا يسعدك و يسعد كل البنات و الستات يا رب
حنان

أنا زودت بوست ساخر فى مدونتى عن العلاقات بين الأزواج، هو ساخ صحيح لكن كل إللى فيه حقيقى من مواقف حدثت لصديقاتى و لى أنا شخصيا
إدخلى شوفى و قولى لى رأيك
hanan khorshid said…
شهرزاد بجد انتى فعلا كلامك حلو اوى ومقنع اوى
ميرسى يا حنان
كلامك إنت الأحلى
انا شفت تعليقك فى مدونتى و رديت عليه
بس إنت شفتى البوست إللى إسمه متلازمة جنون التستسترون

الرابط بتاعه اهه
http://lesstalkingwoman.blogspot.com/2011/03/testosterone-craziness-syndrome.html
عشان تعرفى إن إللى بتشتكى منه بيحصل فى كل البيوت و من كل الرجال مش بس الأزواج

تحياتى

Popular posts from this blog

رسالة الى إمرأة وردية اللون

إليك يا سيدة كل الأزمنة   يا حنين الأمس ... ومرارة الحاضر .... وغموض الغد اكتب الى امرأة سمراء، حزينة العينين ،تغزل ضفائرها السوداء اليك اتيت مهشمة النفس ... مظلمة القلب ابحث عن عمر ضاع فيكِ  واشيع احلام ماتت على اعتابك ابحث بين حناياك عن مفاجأت قد تخبئها الأيام ولكنى اعرف ان عصر المفاجآت قد ذاب بين دفات الرواية القديمة  التمس منهم الأمل ... ولا اجد بحقائبهم سوى اليأس والفراغ  نفيق فى صباح جديد  على اصوات مألوفة   نرتاد الأزقة العتيقة  لنرى بسمات دافئة فى صباح شتوى غائم  سنواتنا المحفورة على جباه المقاهى قد يحملنا الحزن فى سيرنا لكن تجمعنا الفة الارض.. والوطن.. وشمس تشرق من جديد ............................. حنان خورشيـــد مصـــــر جدارية : أدون وطنى  

فوبيــا اللــوبيـــــا

فوبيا الأماكن المرتفعة فوبيا الحشرات السوداء فوبيا الظلام فوبيا الزلازل فوبيا الأماكن المغلقة فوبيا الزحام  فوبيا الأشياء الصغيرة المتجمعة أو المتلاصقة  كالثقوب أو النتؤات ( ودى أسوأهم بالنسبة لى ) معرفش ليه   كفوبيا اللوبيا وحرف (W) لما بيتكتب كابيتال على الكيبورد عدد متلاصق منه كمان زى شكل قطاع عرضى من البصلة متعددة القلب وكشكل بيت النحل وحبيبات الجير فى إعلانات كلوس آب فوبيا عدم القدرة على الإنجاز فوبيا مواجهة الجماهير أنوااااااااااااع كتيييييير تشعرنى بالعجز التام وعدم القدرة على المواجهة أكثر ما يثير استغرابى فى موضوع الفوبيا ده انه ممكن يكون وراثى غريب أن فى أنواع  أخدتها من أمى الأغرب  أن فوبيا مش مشهورة زى فوبيا الأشياء المتلاصقة دى موجود فى اسرتنا بأكملها رغم ان فى ناس ميعرفوش عنها حاجة .... الأغرب تحكمها فى أعصاب الأنسان وإفقاده أى حركة للمقاومة فى بعض الأحيان قد يكفى صرصار واحد لإصابتى ب هارد أتاك !!! لا استطيع أيقاف الصراخ والبكاء والرعشة إذا تأكدت من أنه بيطير (وهو غالبا بيطير ) ما يؤكد لى

مراوغة

قادما؛ يتلمس الغريب خطواته علي أثر الضوء المنبعث من البيت •••• في الشرفة أقف حائرة؛ أحثه علي الخطو ؟؟ أم أغلق الضوء ليرحل ؟؟ ***