Skip to main content

نفســــى أأنـتــــــخ


عندى حالة غريبة من كراهية الحركة
والميل الشديد للأنتخة
واتكررت اجازاتى من شغلى كذا مرة مؤخرا
ولولا ان لى عندهم رصيد لا بأس به من الإلتزام
كان زمانى اتنقلت من الإدارة
لقد صار الإستيقاظ الصباحى طقس ممل
و رؤية الزملاء وبدء متتالية الإبتسامات طقس مكلف جدااااا
انا مش وحشة انا بحب الناس اوى
وبحب صحابى وزمايلى وقعدات الصباح جداااااااااا
بس حاليا بمر بفترة غريبة من حب السرير وكنب الليفنج أكتر
وحاسة انى مش عايزة اعمل اى شىء فى الدنيا
بس حلمى الوحيد واللى بفكر في وبخططله بقالى اسبوع
انى افضل 3 او 4 ايام متواصلة مسترخية امام الـــ
"mbc max "
قناتى المفضلة
والتى اعتبرها افضل ما حدث مؤخراً بعدما كنا بنستنى فيلم رومانسى اوفيلم ايقاعه هادى مرة كل اسبوع او على اقصى تقدير مرة يوميا
و
ZEE
اللى اخيرا ترجمت للعربية

المهم ، ويكون جنبى كل احتياجات الأنتخة
بدون عمل اى اعتبار لمتطلبات الدايت او الصحة الجيدة
يعنى يكون فى طبق فشار كبييييييييير
واكياس كتيييييير شيبسى عائلى بمختلف أنواعه
وشيكولاتات كتيييير
من كيت كات بيضا وجالاكسى بالكرسب
و بيبسى مش كتير
وعلب مكس شيكولاته كتييييييييير" وتكون متلجة" وبالنسبة للنيسكافيه مش مشكلة هبقى اقوم فى رحلات متفرقة لحد المطبخ لانى معرفش اشرب نيسكافيه غير من ايدى

وبطاريات للريموت احتياطى لانى هستعمله حوالى 96 ساعة متواصل
وطبعا اهم حاجة هقفل تليفونى واخلع جاك التليفون الثابت
وممكن احضر جنبى بعض الكتب الخفيفة عشان لو زهقت من التليفزيون "وده عمره ما هيحصل طبعا ً

اهم حاجة انى هقدر انتصر على المنبه اللعين وكل شوية اغيظه واهم حاجة انى هسمع بابا وماما واخويا وكل واحد نازل في ميعاده فأتمطى بتلذذ

انا نفسى انام كتيييييييير
واسيب الناس كتيييييييييييييييييييييييييييييييييييير
تصبحو على خير بقى
اشوفكم كمان 4 ايام


Comments

مش عارفه عندي نفس الاحساس مش عايزة اقابل حد وعايزة اكون في البيت تلفزيون انام كمبيوتر واسيب كل حاجةةةةةةةةةةةةةةةةةةةةة
لذيذ والله الشعور ده وعام على فكرة انا كمان نفسى فى كدة اوى .
hanan said…
حرووووووف
وهانى زينهم

منورين المدونة جداااا

سعيدة بوجودكم
soly88 said…
طبعا الأنتخه حاجه رائعه
بس طبعا بعد زهق من روتين الشغل
احلى شعور انك تكون سايب ايديك
ومريح دماغك
وصفك لممارسة الأنتخه رائع

Popular posts from this blog

فوبيــا اللــوبيـــــا

فوبيا الأماكن المرتفعة فوبيا الحشرات السوداء فوبيا الظلام فوبيا الزلازل فوبيا الأماكن المغلقة فوبيا الزحام  فوبيا الأشياء الصغيرة المتجمعة أو المتلاصقة  كالثقوب أو النتؤات ( ودى أسوأهم بالنسبة لى ) معرفش ليه كفوبيا اللوبيا وحرف (W) لما بيتكتب كابيتال على الكيبورد عدد متلاصق منه كمان زى شكل قطاع عرضى من البصلة متعددة القلب وكشكل بيت النحل وحبيبات الجير فى إعلانات كلوس آب فوبيا عدم القدرة على الإنجاز فوبيا مواجهة الجماهير أنوااااااااااااع كتيييييير تشعرنى بالعجز التام وعدم القدرة على المواجهة أكثر ما يثير استغرابى فى موضوع الفوبيا ده انه ممكن يكون وراثى غريب أن فى أنواع  أخدتها من أمى الأغرب  أن فوبيا مش مشهورة زى فوبيا الأشياء المتلاصقة دى موجود فى اسرتنا بأكملها رغم ان فى ناس ميعرفوش عنها حاجة .... الأغرب تحكمها فى أعصاب الأنسان وإفقاده أى حركة للمقاومة فى بعض الأحيان قد يكفى صرصار واحد لإصابتى بهارد أتاك !!! لا استطيع أيقاف الصراخ والبكاء والرعشة إذا تأكدت من أنه بيطير (وهو غالبا بيطير ) ما يؤكد لى ان الفوبيا خاصتى تقتصر على الحشرات السوداء ..هو أنى أحب الفأر شكلا وليس موضوعاً طبعا .... فى حين أن الصرصار …

رسالة لن تصل :(

صباح مشمس آخر بدونك جدتي
السلام علي روحك الطيبة أينما حلت
وكأن عادية الاشياء تفرض وجودها
وبعد أن أفتح عيوني علي بكاء الصغير أنتظر قولك اليومي لا يقابلني إلا الصمت 
 يتوقف الصغير وينظر خلفي مشدوها ألتفت كي أراك تجلسين علي حافة الفراش تسوين شعراتك فلا يقابلني سوي الفراغ
ألهث في أحلامي خلف صوت أقدامك علي الارضية الخشبية ليلا 
 يترافق صوتك جليا مع كافة القضايا والمواقف والمشاحنات اليومية المعتادين علي دلوك فيها، أيصيبنا التعود باحد أنواع الجنون أم أن روحك الطيبة تخبرنا بما يعتمل علينا
تتكشف لي حقيقة كل نصائحك عن إطعام الصغير والقطة وإشعال الضوء ليلاً 
عدم تكرار طقوسك اليومية ينشر الخواء في أنحاء الدار
 ذلك المقعد المرئي واللا مرئي يخفق قلب كل من يمر به ويهاب الجلوس عليه؛ المقعد الفارغ الفاغر فاهه ينظر إلينا بتشفي
الطاولة الصغيرة التي تجاوره والتي ابتاعها لك أكبر أبناءك ليقرب اشيائك منك علي  مدار اليوم تتوسطها الساعة المنبهة التي احضرها لك لسهولة ادراك الوقت
ما حولها كئيب وفارغ إلا من علامات قيعان الأكواب التي احتسيت فيها شايك مؤخرا نرفض إزالة الغبار والفتات عنها 
وحدة الأدراج الصغيرة المجاورة لفراشك …

الكائن البيضوحباطي فى حياة كل مننا :(

الكائن البيضوحباطى *
كائن يتغذى على جرعات النكد المتكررة
وموجات الاحباط الى يبثها اليك على مدار اليوم
البيضوحباطى يعرف جيدا كيف يحيلك إلى كائن يائس محبط
يعرف كيف يمتص الحياة من أنفاسك لتغدو شخص ميت يمشى ويتكلم كالنائم
الكائن البيضوحباطى
يجد دائما الشماعة متى احتاج اليها
ليعلق عليها اخطاؤه وفشله
الكائن البيضوحباطى
منزه عن الخطأ :/
هو مبيعملش حاجة وحشة بس الكون كله هو اللى ضده
وكل الناس مستقصداه -_^
الكائن البيضوحباطى
متمكن جدا فى تخصصه
يستطيع تحويل اليوم فى لحظة إلى يوم عصيب جداااااا
وتحويل الاوقات الجميلة الى مشاحنات ونكد غير محدود
لا يفكر ابدا فيما يجب عليه فعله
فقط يفكر فيما يحتاجه
يجد سعادته فى تحويل لمعة الفرح والحياة فى عينيك
إلى وميض حزين ملئ بالهم والغم
 الكائن البيضوحباطى اساسى جدا فى حياتك
قد يكون بعيد قد يكون قريب
لكنه دوما موجود
ربما مبعوث لتخليص ذنوبك واخطاءك فى حق آخرين
أو ليسهل دخولك الجنة
الكائن البيضوحباطى لا يوجد علاج له
فقط يمكنك انت البحث عن سبيل للعلاج
كإغلاق أذنيك عند ارتفاع انزيم الاحباط فى كلامه
أوالتشويش على جهاز الاستيعاب الخاص بك
كى لا تفهم ما يفعله
ايضا يمكنك أن تتناول قطعة من الشوكو…